ისრაელის სამხედრო ოპერაცია ირანის წინააღმდეგ

ახლო აღმოსავლეთი კიდევ ერთი ომის ზღვარზე.

ისრაელმა ირანზე მასშტაბური საჰაერო იერიშები მიიტანა. ოპერაცია „წამომართული ლომი“ დაიწყო - ავია-დარტყმების სამიზნედ იქცა ირანის ბირთვული ობიექტები, სამხედრო ბაზები და აეროდრომები. დაარტყეს ბირთვული გამდიდრების მთავარ ობიექტს. ლიკვიდირებულია რამდენიმე სამხედრო მაღალჩინოსანი და ბირთვულ საკითხებზე მომუშავე მეცნიერები. მოკლულები არიან ირანის შეიარაღებული ძალების შტაბის უფროსი და ისლამური რევოლუციის გუშაგთა კორპუსის მეთაური. მსხვერპლია მშვიდობიან მოსახლეობაში, ირანი ისრაელს საცხოვრებელი კორპუსების დაბომბვაშიც ადანაშაულებს და გამანადგურებელი დარტყმებით ემუქრება. ისრაელში ახლა საგანგებო მდგომარეობაა გამოცხადებული. ფართომასშტაბიანი იერიშები ბირთვულ საკითხებზე მოლაპარაკებებს დაემთხვა. ომანში კვირას შეხვედრების მეექვსე რაუნდი იყო ჩანიშნული. ამერიკა ისრაელის ოპერაციასთან კავშირს უარყოფს, თელავივი ვაშინგტონის პასუხისმგებლობაზეც მიუთითებს. მედიის ინფორმაციით, მასშტაბური ოპერაცია წლების განმავლობაში მზადდებოდა - ოფიციალური თელავივი დარტყმების მიზეზად ბირთვული იარაღის შექმნის რეალურ საფრთხეს ასახელებს. ირანს მეორე შანსი აქვს - ასეთია გზავნილი ტრამპისგან, რომელიც აპრილის შემდეგ ირანთან ბირთვული შეთანხმების მისაღწევად დიპლომატიურ ძალისხმევას მიმართავს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.