დონალდ  ტუსკის განცხადება - პოლიტიკური შეფასებები

მუქარა და თავდასხმა ქართველ ხალხზე - ოფიციალური თბილისი მეორე დღეა მწვავედ აკრიტიკებს დონალდ ტუსკის განცხადებას, რომლითაც პოლონეთის პრემიერმა საქართველოსთვის უვიზო მიმოსვლის შესაჩერებლად, მუშაობის გააქტიურება დააანონსა.
გადაწყვეტილების მიზეზად უკანონო მიგრაციასთან ბრძოლა და საქართველოში არსებული მმართველობის ევროპულ  სტანდარტებთან შეუსაბამობა დასახელდა. გამოსვლის შინაარსი მმართველ პარტიაში ხელისუფლების შანტაჟის მცდელობად აღიქვეს. ტუსკის განცხადებას დროში დაემთხვა ოპოზიციის ნაწილის ბრიუსელში ვიზიტი, რაც „ქართულ ოცნებას“ ეჭვებს უმყარებს, რომ ოპონენტები, პარტნიორებთან ხელისუფლების ცვლილების მოტივით, კოორდინირებულად მოქმედებენ. ვიზალიბერალიზაციის შეჩერების შემთხვევაში, სრულ პასუხისმგებლობას ხელისუფლებას აკისრებს ოპოზიცია. პარტიებში „ქართულ ოცნებაზე“ საერთაშორისო ზეწოლის გაძლიერებას  მიესალმებიან, თუმცა მათი ნაწილი ხალხის დაზარალების წინააღმდეგია. ტუსკის განცხადებებით უკმაყოფილო მოქალაქეთა ნაწილმა დღეს აქცია პოლონეთის საელჩოსთან გამართა.  

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.