საპროტესტო აქციები და კომენდანტის საათი აშშ-ში

კალიფორნიის შტატში არეულობა არ წყდება. შეტაკებებმა ამერიკის სხვა შტატებიც მოიცვა.
ეროვნული გვარდიის და საზღვაო ქვეითების განთავსების შემდეგ ლოს ანჯელესში კომენდანტის საათიც დაწესდა. დაკავებულია კიდევ ათეულობით ადამიანი. ძალადობრივი ქმედებების და არეულობის პრევენციისთვის ეროვნული გვარდია განათავსეს ტექსასშიც, რომლის რამდენიმე ქალაქში აქციები დაიწყო. საპროტესტო გამოსვლები და სამართალდამცავებთან დაპირისპირებები ანტიიმიგრაციულ რეიდებსა და არალეგალი მიგრანტების დაკავებების ოპერაციებს მოჰყვა. 6 ივნისის შემდეგ დაწყებული შეტაკებები შიდა პოლიტიკური დაპირისპირების გამწვავების მიზეზიც გახდა. კალიფორნიის გუბერნატორი აშშ-ს პრეზიდენტს სასამართლოში უჩივის. თავის მხრივ დონალდ ტრამპი აქციის მონაწილეებს მეამბოხეებს უწოდებს და კალიფორნიის ადგილობრივ ხელისუფლებას არასათანადო მოქმედებებისთვის ემუქრება. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.