საელჩოების საგრანტო პოლიტიკა

დიდი ბრიტანეთის საელჩოს განცხადების გარშემო ვნებათაღელვა არ ცხრება.
პარლამენტის თავმჯდომარე დიპლომატიურ მისიას ბოლო საპარლამენტო არჩევნებზე დახარჯული თანხების გამოქვეყნებას სთხოვს. მმართველი გუნდი ამტკიცებს, რომ მოახლოებული თვითმმართველობის არჩევნების წინ საელჩო იმ მედია საშუალების თუ ორგანიზაციების დაფინანსებას გეგმავდა, რომლებიც არჩევნების ბოიკოტირებით არიან დაკავებულები. სახელდება კონკრეტული ორგანიზაციები. საკანონმდებლო ორგანოს რიტორიკა დიდი ბრიტანეთის დიპლომატიური მისიის მიმართ განსაკუთრებით მას შემდეგ გამწვავდა, რაც საელჩომ საზოგადოებას საგრანტო წინადადების უკან გაწვევის შესახებ აცნობა. დიპლომატიური მისია მთავრობისგან ნებართვას ითხოვდა იმ გრანტების გაცემაზე, რომელთა მიზნად მუნიციპალური არჩევნების მონიტორინგსა და გამჭვირვალობას ასახელებდა, თუმცა საჯაროდ დეკლარირებულ ამ მიზნებს მიღმა ექსტრემიზმის ფინანსური ხელშეწყობის კვალს ხედავს ხელისუფლება, რომელიც ცალკეული ქვეყნების საელჩოებს ქვეყნის შიდა საქმეებში ღიად ჩარევაში და პოლიტიკური პროცესების დაფინანსებაში ადანაშაულებს. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.